Лавінападобны рост аб'ёмаў інфармацыі прыняў характар інфармацыйнага выбуху ва ўсіх сферах чалавечай дзейнасці.
Асаблівую цікавасць уяўляюць пытанні, звязаныя з аўтаматызацыяй пошуку інфармацыі, паколькі "ручныя метады" без выкарыстання тэхнічных сродкаў даўно вычарпалі свае магчымасці. Найбольш даступнай формай аўтаматызацыі інфармацыі з'яўляецца прымяненне ЭВМ.
Сёння разам з традыцыйнымі друкаванымі выданнямі шырока прымяняюцца электронныя даведачныя дапаможнікі.
Пры распрацоўцы дадзенага даведніка таксама выкарыстоўваліся элементы сучасных інфармацыйных тэхналогій.
Для аптымізацыі інфармацыйнага матэрыялу большая частка яго размешчана на сайце www.naroch1.by ДУА “Нарацкая СШ№1” у раздзеле “Турыстычны даведнік”. Усяго націсканнем дзесяці клавіш на клавіятуры ці на смартфоне, Вы, паважаны чытач, маеце магчымасць пабачыць калекцыю турыстычных маршрутаў, якую будзем папаўняць, парады па арганізацыі падарожжаў, экаслоўнік і слоўнік некаторых архітэктурных тэрмінаў, якія сустракаюцца ў тэкстах экскурсій. Таксама ў наяўнасці спасылкі на інтэрнэт-рэсурсы, якія дапамогуць у падрыхтоўцы падарожжаў па Нарачанскаму краю, менавіта:
карысная інфармацыя;
- рэкамендацыі па арганізацыі турыстычных маршрутаў;
- спіс аб'ектаў турыстычнай цікавасці і кароткая даведка: месцазнаходжанне, нумары тэлефонаў і графікі працы;
- варыянты размяшчэння для пражывання;
- пункты харчавання, кампаніі па арэндзе транспарту і інш.;
-нумары экстраных службаў, адрасы карысных сайтаў і інш.